Oedt - Die Perle an der Niers -

Üh, do jeeß neet onger

Römm on  tömm,  do-e  ös bekennt,
dat Uh 'ne alde Oort.
Stond he-i och ken Mu-ere mier,
kene Wool on ken Kuhpoort.
On steht och von os staatse Burch
mar eene enkele Stomp.
Su-e send we-i doch all stolz op Üh,
ejal, of Alt of Jonk.
We-i halde an oß Dörpke fooß,
su-elang noch steht mar eene Pooß:

Üh, do jeeß neet onger,
we-i halde dech en I—er.
Kreech on Bletz on Honger
kreeje dech neet ni-er.
Noo, on noch en hongert Jo-er,
Üh blifft Üh, dat ös waal klo-er.

Ütsche Jaas, su-e nömp man os.
Dat mäck os schnaap nix uut.
Die Kempsche habbe Koppesköpp,
Vö-erschter en breie Schnuut.
On Wenk von Lobbrik ös nix wert,
Sötelsche Muu-ere jehü-ere en de Kull.
On decke Wette, ü-evert Jo-er,
do-e send die schnöttefuul.
Mar Eier, Fleesch on Feärekleed,
die send jett wert, weä wett dat neet?

En Denkmal von os Wappdi-er
steht op deä alde Maart.
En jolde Jaas, möt jolde Pü-et.
Do-e ös nix dran jespart.
On kennt man och neet Kopp of Fott,
ken Flü-ejel on ken Been.
We-i Ütsche send doch stolz do-edropp,
modern, wie we-i su-e send.
We-i schnaatere stolz en Wenk on Weär.
Uh, min Uh, dech hab ech jeär.